الاخوان وشفيق. وجهان لعملة واحدة

من مظاهر التطابق بين #الاخوان و #شفيق قمع الآخر.. اعلنها الفشيق بصراحة انه سيعتقل وسيعدم الثوار ،الاخوان لم تعلنها لكن ظهر ذلك جلياً فى 25 يناير2012 حين نزلت للاجتفال والسيطرة السمعية التى فرضتها على الميدان باستخدام عدد كبير جدا من الميكروفونات ونجحت فعلا فى ذلك،وفى جمعة 27 يناير 2012 حين قامت منصة الاخوان بتعلية صوت القرآن على الهتاف ضد العسكر وضد المرشد ويظهر ايضا الآن فى مهاجمة حمدين صباحى لمجرد انه اقر برؤية يراها الكثير غيرهم ويظهر ذلك ايضا فى جريدة الحرية و العدالة والعنوان الشهير باندتا واطلاق جمعة الوقيعة على جمعة 27مايو والمقال الذى حذف الذى كفر جميع المرشحيين الا مرسى

من ضمن اوجه التطابق بين #شفيق و #الاخوان .. الايمان بالرأسمالية ووضع برنامج انتخابى على اسس الرأسمالية الجديدة التى تطعن العدالة الاجتماعية فى مقتل وذلك طبقا لرؤية د/رباب المهدى وحركة الاشتراكيين الثوريين . ومن معلوماتى ان الرأسمالية الجديدة تخلت عنها دول اوربا نظرا لفشلها فى حل المشاكل الاقتصادية وعودة فوائدها على اشخاص من الطبقة الرأسمالية فقط دون الشعوب

تغريداتى عن الموضوع:

حلقات فريدة

فريدة 1

فريدة 2

فريدة 3

فريدة 4

فريدة 5

فريدة 6

فريدة 3

الحلقة السابقة: فريدة 2

هزمتنى وجعلتنى اصمت للابد، هزمتنى الجميلة لانها مؤمنة بحقوقها ومُصرة على انتزاعها من مجتمع يجهض حلمها، رغم انها هزمتنى ولا هزيمة الدنمارك امام هتلر، كنت اتمنى ان استطيع ان انحنى امامها لاقبل يدها.

اثناء ما كان عقلى يكتب تلك الكلمات فى ذاكرتى، واثناء ما كان قلبى يرقص فرحا بها، كنت اسرح فى جمال شعرها المنساب وفى عينيها العسليتين وفى انفها وفى شفتيها ، تقطع روابط خيالى فريدة بصوتها الهدير

#انت سرحان فى ايه.. انت كده بتحرش بيا وتبتسم

*حاشة لله.. تحرش ايه بس.. انا بس صرحت فى كلامك وكنت بفكر فيه

#انت فعلا متحرشتش بيا جسديا، لكن كان شكلك كان متحرش بالعين.. بس انا مصدقاك

لان واضح انك انسان Pure بجد

*اشكرك. ده بس علشان انتى انسانة جميلة وفريدة فتشوفى الناس كده

#تحرش تانى ههههه

*والله برئ ده حتى انا مبعكسش حد وضد المتحرشين

#الطبيعى يبقى الناس كلها ضد الكلاب دول

هنا ينظر الينا احد الجالسين بالجوار ،نظرة لا تعجبنى، يبدوا انه يعترض على كلام فريدة ويريد التحدث واجبر على احراجه

*تحب حضرتك تشارك فى الحوار معانا

يرد بعنف مع ابتسامة مصطنعة +لو ينفع 

#اتفضل يسعدنا مشاركتك

+البنت هى المسئولة لانها لو لبسة محترم محدش هيتعرض ليها

* لا.. تقاطعنى فريدة #لحظة يا احمد

#حضرتك الاحترام ده شىء نسبى ، انت فى الغالب شايفنى مش محترمة لانى مش محجبة واحمد شيفنى محترم جدا، وانا هو انا، لكن انت مش هو الفرق بينكم ان هو مش عايز يفرض على الناس وجهة نظره فى الاحترام 

*الفكرة كلها بالنسبة لى ان كل انسان حر ما لم يضر وان الاحترام مش بالشكل انما بالتعامل والاخلاق

#واحب اعرف حضرتك ان اعلى بلد فيها تحرش هى افغانستان والسعودية والمدهش ان الاتنين بيفرض لبس النقاب على بناتهم 

 

+طيب بذمتك، الشباب المكبوت اللي مش لاقي يتجوز ده، يمسك نفسه إزاي؟

 

#قبل ما أرد عليك لازم أفهمك إن الجواز أعظم بكتير من اللي أنت بتقوله ده.. الجواز الصح عبارة عن علاقة، ربنا بنفسه هو اللي عملها، وحياة كاملة بين اتنين بيحبوا بعض.. فلما يبقى الجواز في ذهنك هو مجرد وسيلة لممارسة الجنس، فده يبقى دعارة مش جواز.. واللي بيميز الإنسان عن الحيوان إنه يقدر يتحكم في نفسه.. فلو فقد القدرة دي يبقى فرق إيه عن الحيوان؟!

 

*وبعدين مالبنات كمان مكبوتة ومش لاقية تتجوز.. هل لو شفت بنت ماشية تعاكس في الشباب هاتقول عليها معذورة ولا هاتقول عليها سافلة وتستاهل قطم رقبتها؟! خليك عادل وطبق المبدأ ده على نفسك.. نصيحة هقولهالك لو بتدور على واحدة متعرضتش للتحرش ترتبط بيها احب ابشرك مش هتلاقيها دور على واحدة التحرش مكسرهاش ومكرهتش الرجالة ومكرتش نفسيها استحالة تلاقى طول ما طريقة كلامك متغيرتش وعملت زى كل المصريين ودايما تلوم الضحية
عاد الشاب من حيث اتى واستكمل ما كان يصنع ، لكن ما لم يعد كا سابقه هو شعورى تجاه فريدة كل دقيقة يزداد اعجابى بها وبعد هذا اليوم بدأت اعلم ان مشاعرى تجاها ليست مشاعر صديق الى صديقة انما مشاعر حبيب تجاه محبوبنته ، قمنا للرجوع الى ثكناتنا وقررت ان اوصلها الى بيتها واثناء ذهابنا نظرت الى الفتى وقالت
#انا متأكدة من انك ايام محمد محمود والقصر العينى قلت على البنات ايه اللى وداهم هناك ومتأكدة ان لو قالولك ان فى واحدة اُغتصبت هتقول ايه اللى ودها هناك لوحدها.. I hope انك تراجع نفسك

 

 

لمتابعة الحلقات القادمة يمكنك الاشترك فى المدونة اذا كنت تملك حساب على blogspot او يمكن المتابعة عبر email ليصلك جديد المدونة او تتابع حسابى فى شبكات التواصل الاجتماعى.

ولقراءات الحلقات السابقة اضغط هنا

انتظر تعليقاتكم... لطفا share و Tweet :)

مصدر:: حملة" انا مش هسكت على التحرش"

ذات صلة::

·         عن سميرة ومنى ونوارة وغادة وعزة وصفا وغيرهن