الحلقة السابقة: فريدة 5
لقراءة الحلقات السابقة اضغط هنا
ليس الامر بتلك السهولة التى اتوقع، لا يمكن اهمال حسابات العقل والتى يضاف اليها احتمالية توتر العلاقة بيننا ، اذن الحل فى الشورى مع الاصدقاء، افحص قائمة الاصدقاء لاجد الافضل لاستشارته ،فيقع الاختيار على جيلان صديقتى التى دائما ما تمنح النصائح الصائبه ومن اكثر من اثرت فى شخصيتى.
# G مساء الفل عليكى
$ مساء النور يا احمد.. عامل ايه ؟
#تمام الحمد لله.. انا عايز اشوفك انهارده ضرورى
$ امممم.. عظيم نتقابل الساعة 7 فى البورصة
# تمام ..سابعة بالثانية هكون هناك
$ _ترد ضاحكه_ بالثانية !! هو انا لسه عارفاك انهارده لو اتأخرت اكتر من 10 دقايق هدفعك الحساب
#من غير ما تقولى انا هدفع وش.. يلا اشوفك بالليل
الآن الثالثة سأخد قسط من الراحة ثم اتناول الغداء ... احضر ما سأقوله لجيلان ويزداد توترى معه تلك هى المرة الاولى التى اقف فيها هذا الموقف ، اسئلة كثيرة لا استطيع الاجابة عليها وحدى...
السابعة و سبع دقائق
$مش ممكن.. احمد بيه يوصل بدرى ..ده اكيد الموضوع مهم جدا
#وانا عمر كلمتك فى موضوع مش مهم.. عيب عليكى
$ يا راجل ده انا كنت هخلص الكتاب على ما توصل
# انا مش هرد عليكى.. طلبتى حاجة ولا لسه
$ مستنياك تطلبلى
# طيب.. يا محمد 2 بيبسى لو سمحت
$ ايه يا سيدى الامر العاجل والمستعجل والضرورى ؟؟
# باختصار فى بنت فى غاية الجمال وغاية الادب والاحترام اتعرفت عليها من مدة قصيرة، البنت جذابه جدا وشكلى كده بدأت احبها
$ يا خلاصى الولد الصغير بيحب ومكسوف
# اولا انا مش مكسوف ثانيا هو انا مش انسان يعنى
$ خلاص يا بيه.. نتكلم جد .. انت عارف الفرق بين الحب والصداقة والحدود اللى بينهم
# الموضوع مربوط بالعاطفة ده اللى انا اعرفه
$ طيب.. خلينا نتكلم كلام علمى شوية وبعد كده نتناقش فى كتاب "الصداقة من منظور علم النفس" كاتبه د. اسامة ابوسريع استاذ علم نفس فى جامعة القاهرة.. اتكلم فى فصله الاول عن الفرق بين الصداقة والحب
# قال ايه؟
$ اصبر... قال ان فى 8 خصائص مشتركة بين الحب والصدااقة
# اللى هما ايه؟
$ اول حاجة الاستمتاع بمرافقة الشخص الثانى؛ وانك تقبل الطرف الآخر كما هو؛ وانك تثق فيه؛ الاحترام المتبادل بين الطرفيين ؛ المساعدة المتبادلة والنجدة عند الحاجة؛ فهم شخصية الطرف الآخر ايه اللى بيحبه ايه اللى بيكره؛ التلقائية بينهم؛ وانك تبادل معاه الخبرات الشخصية والمشاكل .
#عظيم
$ التمانية دول موجودين بين الاصدقاء ، بين وبينك ،وبينك وبين اصدقائك التانيين
# تمام
$ السؤال الاول انت و ... هى البنت اسمعها ايه؟
# اسمها فريدة
$ فريدة .. انت وفريدة بينكم التمن خصائص اللى قلتهم
# الحقيقة 6 منهم بس ؛ احنا ماتبدلناش المشاكل ولا حد ساعد التانى
$ يبقى اصلا مفيش صداقة حقيقة اتولدت، يبقى ازاى تقول انك بدأت تحبها .. انت كده بتهرج وبتضحك على نفسك
# بس انا مشدود ليها جدا
$ يا Baby ده اعجاب مش حب، يا احمد الموضوع عامل زى السوستة لما تضغط عليها فتطلع لفوق جدا وبعد كده هترجع لوضعها الطبيعى
#العمل ايه دلوقتى؟
$ اصبر وابقوا اصدقاء الاول وبعدين نشوف المركب هتروح فين؛ انت لسه عارفها من مدة قصيرة واكيد معرفتهاش كويس فاصبر ثم اصبر ثم اصبر
#طيب ايه اللى بيفرق بين الحب والصداقة
$ مش هقولك دلوقتى علشان متقدعتش توهم نفسك بحاجات مش موجودة
# خلاص قومى بينا نمشى ..قفلتيلى اليوم
حين تقف عاريا امام حقيقتك ام تعترف بها او تنكرها ، تكون انتكاسة لك انك اكتشفت نفسك...
لمتابعة الحلقات القادمة يمكنك الاشترك فى المدونة اذا كنت تملك حساب على blogspot او يمكن المتابعة عبر email ليصلك جديد المدونة او تتابع حسابى فى شبكات التواصل الاجتماعى.
ولقراءات الحلقات السابقة اضغط هنا
انتظر تعليقاتكم... لطفا share و Tweet :)